سعودی عرب کی اسرائیل کے فلسطینی گاؤں کو مٹانے کے بیانات کی شدید مذمت

سعودی عرب نے قابض اسرائیلی عہدیدار کی فلسطینی گاؤں حوارہ کو صفحہ ہستی سے مٹانے کے بیانات کی شدید مذمت کی ہے۔

ایک بیان میں سعودی وزارتِ خارجہ نے کہا ہے کہ سعودی عرب ان نسل پرستانہ، غیر ذمے دارانہ بیانات کو مکمل مسترد کرتا ہے۔

سعودی وزارت خارجہ نے اپنے بیان میں سعودی عرب نے کہا ہے کہ عالمی برادری کشیدگی کے خاتمے، اسرائیلی جارحیت اور قبضہ روکنے میں کردار ادا کرے۔

سعودی وزارتِ خارجہ کا کہنا ہے کہ عالمی برادری کشیدگی کم کرائے اور فلسطینیوں کو تحفظ فراہم کرے۔

واضح رہے کہ اسرائیل کے وزیر خزانہ نے فلسطینی گاؤں حوارہ کو صفحہ ہستی سے مٹانے کی دھمکی دی تھی۔

بشکریہ جنگ