سعودی عرب میں کورونا کے 49 نئےکیسز، دو مریضوں کا انتقال

سعودی عرب میں گزشتہ 24 گھنٹوں میں کورونا وائرس کے 49 نئےکیس رجسٹرڈ ہوئے ہیں۔ 

ریاض سے سعودی وزارت صحت کے جاری کردہ اعلامیہ کے مطابق کورونا مریضوں کی تعداد 5 لاکھ 48 ہزار 666 ہوگئی ہے۔ 

سعودی وزارت صحت نے مزید بتایا کہ گزشتہ 24 گھنٹوں میں کورونا کے 2 مریض انتقال کرگئے، جس کے بعد کورونا سے انتقال کرنے والوں کی تعداد 8 ہزار 796 ہوگئی ہے، جبکہ گزشتہ 24گھنٹوں میں کورونا کے 35 مریض صحتیاب ہوگئے ہیں۔

وزارت صحت نے بتایا کہ اب کورونا سے صحتیاب افراد کی مجموعی تعداد 5 لاکھ 37 ہزار 605 ہوگئی ہے۔ سعودی وزارت صحت کے مطابق کورونا کے 61 مریضوں کی حالت تشویشناک ہے۔

بشکریہ جنگ