سسر اب بھی ’ثقی بھائی‘ ہیں، شاداب خان

پاکستان سپر لیگ کی ٹیم اسلام آباد یونائیٹڈ کے کپتان شاداب خان نے کہا ہے کہ پرفارمنس کا شادی سے تعلق نہیں، ثقلین مشتاق ابھی بھی "ثقی بھائی” ہیں۔

شاداب خان نے پریس کانفرنس کرتے ہوئے کہا کہ پچھلا میچ ون سائیڈڈ ہارے ہیں، غلطیاں کی تھیں۔

انہوں نے کہا کہ جس طرح کی کرکٹ ہم کھیل رہے ہیں اس میں ایسا ہوتا ہے، ہم اپنے کرکٹ کا انداز نہیں بدلیں گے۔

شاداب خان نے کہا کہ جب آپ پلیئرز سے کہتے ہیں کہ بلاخوف جارح انداز اپناؤ تو نتیجہ خلاف آسکتا ہے۔

اسلام آباد یونائیٹڈ کے کپتان نے کہا کہ کراچی کی ٹیم اسٹرگل کر رہی ہے مگر وہ کم بیک کرسکتی ہے۔

پاکستان کرکٹ ٹیم کے فاسٹ بولر شاہین شاہ آفریدی نے نکاح کے بعد خوشحال زندگی کا نسخہ بتادیا۔

شاداب خان نے کہا کہ ہمیں اپنی بہترین کرکٹ کھیلنا ہوگی، جب مارڈرن ڈے کرکٹ کھیلتے ہیں تو تحمل اور برداشت بھی ضروری ہے۔

انہوں نے کہا کہ کوشش ہے کہ تیز ترین سنچری کا ریکارڈ بناؤں۔

بشکریہ جنگ