سرگودھا، بھتا خوروں نے خاتون کو پیسے نہ دینے پر آگ لگادی

سرگودھا کے منگل بازار میں بھتا خوروں نے پیسے نہ دینے پر خاتون کو آگ لگادی۔

ریسکیو حکام کے مطابق سرگودھا کے منگل بازار میں اسٹال لگانے اور اس کا بھتا نہ دینے پر خاتون کو آگ لگادی گئی۔

جلائی گئی خاتون کو انتہائی تشویشناک حالت میں ڈسٹرکٹ ہیڈ کوارٹر (ڈی ایچ کیو) ٹیچنگ اسپتال منتقل کیا گیا۔

خاتون نے بتایا کہ بااثر افراد منگل بازار میں اسٹال لگانے کے بدلے زبردستی پیسے لیتے ہیں۔

پولیس تاحال واقعے کے کسی بھی ملزم کو گرفتار نہیں کرسکی ہے۔

بشکریہ جنگ