سردار عطا اللّٰہ مینگل کا انتقال باعثِ دکھ ہے، بلاول بھٹو

پاکستان پیپلز پارٹی کے چیئرمین بلاول بھٹو زرداری نے بزرگ سیاستدان سردار عطا اللّٰہ مینگل کے انتقال پر گہرے دکھ و افسوس کا اظہار کیا ہے۔ 

اپنے تعزیتی پیغام میں انہوں نے کہا کہ سردار عطا اللّٰہ مینگل کے انتقال کی خبر باعثِ صدمہ ہے۔ ان کے انتقال سے پاکستان میں تدبر، رواداری اور پر وقار سیاست کا ایک عہد اختتام پذیر ہوا۔ 

انہوں نے کہا کہ سردار عطا اللّٰہ مینگل کی بلوچستان کے حقوق اور جمہوریت کے لیے طویل جدوجہد ہماری تاریخ کا ناقابل فراموش باب ہے۔ دعاگو ہوں، اللّٰہ تعالیٰ مرحوم کو اپنے جوارِ رحمت میں بلند درجات عطا فرمائے۔ 

دریں اثنا بلاول بھٹو زرداری نے سردار اختر مینگل سمیت تمام سوگواران سے تعزیت کا اظہار اور ان کے لیے صبر جمیل کی دعا کی۔

بشکریہ جنگ