سرجانی، نیو کراچی میں 2 حادثات، 2 افراد جاں بحق، منی بس جلا دی گئی

کراچی ویسٹ زون کے علاقے نیو کراچی اور سرجانی ٹاؤن میں پیش آنے والے 2 الگ الگ ٹریفک حادثات میں 1 بچے سمیت 2 افراد جاں بحق ہو گئے جبکہ 1 بچہ زخمی ہو گیا۔

نیو کراچی میں حادثہ پاور ہاؤس چورنگی کے قریب پیش آیا جہاں مشتعل افراد نے 1 منی بس کو جلا دیا۔

ایدھی فاؤنڈیشن کے ترجمان کے مطابق اس مقام پر منی بس کی ٹکر سے 20 سالہ نوجوان جاں بحق ہوا ہے۔

کراچی کے علاقے کلفٹن میں سی ویو سے آنے والی فیملی…

ادھر سرجانی ٹاؤن کے علاقے لیاری تیسر ٹاؤن سیکٹر 36A کے اسٹاپ کے قریب ٹریفک حادثے میں سہیل فرید نامی 1 بچہ جاں بحق جبکہ دوسرا بچہ ذیشان زخمی ہو گیا۔

بچے کی لاش اور زخمی بچے کو ایدھی ایمبولینس کے ذریعے عباسی شہید اسپتال منتقل کیا گیا ہے۔

بشکریہ جنگ