ستمبر تک مشکلات رہیں گی، مفتاح اسماعیل

وزیرخزانہ مفتاح اسماعیل نے کہا ہے کہ حکومت میں آکر فیصلہ کیا کہ پاکستان کو ڈیفالٹ نہیں ہونے دیں گے، ہم نے مشکل فیصلے کئے، توانائی کی قیمتیں بڑھائیں، ستمبر تک مشکلات رہیں گی۔

وزیرخزانہ مفتاح اسماعیل نے کراچی چیمبر آف کامرس سے خطاب کرتے ہوئے کہا کہ اپنی چادر دیکھ کر پاؤں پھیلائیں، ہماری خریدی گئی گیس ملک کو بچا رہی ہے۔

انہوں نے کہا کہ کورونا میں سستی گیس نہیں خریدی گئی، ہم نے حکومت میں آ کر  مشکل فیصلے کئے، توانائی کی قیمتیں بڑھائیں، ہمارا انحصار امپورٹ بیسڈ معیشت پر ہے۔

وفاقی وزیر خزانہ مفتاح اسماعیل کا کہنا ہے کہ ڈالر حکومتی کوششوں سے نیچے آیا ہے، ڈالر کی قیمت ڈیمانڈ اور سپلائی کا حاصل ہے۔

وزیر خزانہ نے مزید کہا کہ نواز شریف نے بجلی کی پیداوار بڑھائی، ہم نے بجلی بڑھا کر ایکسپورٹس نہیں بڑھائی، جو اضافی بجلی بنائی وہ شادی ہالز میں استعمال کی گئی۔

ان کا یہ بھی کہنا ہے کہ متحدہ عرب امارات (یواےای) اسٹاک ایکسچینج میں سرمایہ کاری کر رہا ہے، قرض 25 ہزار ارب پر تھا، عمران خان نے 42 ہزار ارب کر دیا۔

بشکریہ جنگ