ساہیوال: بینک لوٹ کر فرار 4 ڈاکو مبینہ مقابلے میں ہلاک
ساہیوال میں بینک لوٹ کر بھاگنے والے 4 ڈاکو مبینہ پولیس مقابلے میں مارے گئے، ہلاک ہونے والے 2 ڈاکو لاہور کے رہائشی تھے۔
پولیس نے ڈاکوؤں کی گاڑی سے لوٹے گئے 33 لاکھ روپے برآمد کر لیئے ہیں۔
ساہیوال کے مڈھالی روڈ پر واقع نجی بینک میں واردات کے لیے 4 ڈاکو کالے رنگ کی گاڑی میں آئے تھے، جنہوں نے بینک کے باہر کھڑے گارڈ کو اندر لے جاکر تشدد کا نشانہ بنایا۔
سیکیورٹی کیبن سے نکلنے والا گارڈ مزاحمت کرتا رہا لیکن ڈاکو اسے مارنےلگے جس پر وہ ڈر کر چھپ گیا۔
اتنے میں 1 ڈاکو کیش کاؤنٹر میں داخل ہوا جس نے رقم لوٹ لی، ورادت کے بعد چاروں ڈاکو گاڑی میں فرار ہو گئے۔
ڈاکو ملتان روڈ کی طرف فرار ہوئے تھے کہ ون فائیو پر اطلاع ملتے ہی پولیس نے ناکہ بندی کر لی۔
یوسف والا کے علاقے میں پولیس اور ڈاکوؤں کا آمنا سامنا ہوا، کراس فائرنگ میں چاروں ڈاکو مارے گئے۔
پولیس کے مطابق 3 ڈاکوؤں کی شناخت ریاض، ندیم اور اندراس کے نام سے ہوئی ہے۔
چاروں ڈاکوؤں کی لاشیں پوسٹ مارٹم کے لیے اسپتال منتقل کر دی گئی ہیں۔
پولیس نے لوٹے گئے 33 لاکھ روپے برآمد کر کے واردات میں استعمال ہونے والی گاڑی تحویل میں لے لی۔
Comments are closed.