ساہیوال:نواحی گاؤں میں سرعام ہوائی فائرنگ، اسلحے کی نمائش، ویڈیو وائرل

ساہیوال کے نواحی گاؤں میں 3 لڑکوں کی سرِعام ہوائی فائرنگ کرنے اور 5 کی سرِعام اسلحہ کی نمائش کرتے ہوئے ویڈیوز اور تصاویر وائرل ہوگئیں۔

پولیس کا کہنا ہے کہ ملزمان کی شناخت کا عمل جاری ہے، شناخت ہوتے ہی انہیں گرفتار کرلیا جائے گا۔

ساہیوال کا نواحی گاؤں 79 فائیو آر جہاں 3 نوخیز لڑکوں نےسرِ عام ہوائی فائرنگ کرکے خوف و ہراس پھیلا دیا۔

بنوں کے علاقے گڑھی شیر احمد میں 2 گروپوں میں فائرنگ کے تبادلے میں 5 افراد جاں بحق 2 زخمی ہوگئے ہیں۔

سوشل میڈیا پر کل 5 نوجوانوں کی ویڈیوز اور تصاویر وائرل ہوئیں، جو اسلحہ کی نمائش کرتے اور فائرنگ کرتے دیکھے جاسکتے ہیں۔

شہریوں کا کہنا ہے کہ ایسے والدین نوخیز لڑکوں کے ہاتھوں میں اسلحہ دے کر انہیں کیا تربیت دے رہے ہیں۔

انہوں نے مزید کہا کہ معاشرے میں عدم برداشت اور قانون شکنی کی وجہ ایسے رویے بھی ہیں۔

پولیس کا کہنا ہے کہ ابھی ویڈیوز منظر عام پر آئی ہیں شناخت ہوتے ہی انہیں گرفتار کرلیا جائے گا۔

بشکریہ جنگ