ساڑھے تین سالہ بچی کا چٹان جیسا حوصلہ، پہاڑ سے جھول گئی
امریکی کوہ پیما جوڑے مائیک اور جینیل کی ساڑھے تین سالہ صاحبزادی بھی والدین کی طرح پہاڑ سر کرنے اور ان میں کھیلنے کا شوق رکھتی ہیں۔
ساڑھے تین سالہ سائیلا کی ویڈیو وائرل ہو رہی ہے جس میں وہ رسی سے لٹک کر پہاڑوں سے نیچے کا نظارہ کر رہی ہیں۔
مائیک نے اپنے انسٹاگرام پر سائیلا کی ویڈیو کلپ شیئر کرتے ہوئے کہا کہ ہماری ساڑھے تین سالہ بیٹی رسی سے لٹک کر جھولنے کی سرگرمی کو ایک الگ ہی لیول پر لے گئیں۔
ساتھ ہی مائیک نے کہا کہ کیونکہ اس ویڈیو کو بہت لوگ دیکھیں گے تو چند باتیں ابھی سے بتا دوں۔
انہوں نے بتایا کہ سائیلا کو یہ سب پسند ہے، وہ اپنے پیر اس لیے ہلا رہی تھی کیونکہ وہ رسی سے لٹک کر گھومنے اور اپنے پیروں کے بل پر اترنے کی مشق کر رہی تھی۔
مائیک نے یہ بھی کہا کہ میں ایک پیشہ ور کوہ پیما ہوں لہذا یہ سب ہر ایک کے لیے نہیں ہے اور اگر درست طریقے سے نہ کیا جائے تو بہت خطرناک بھی ہوسکتا ہے۔
Comments are closed.