سابق گورنر لطیف کھوسہ کے گھر پر فائرنگ، کیمروں کا ریکارڈ حاصل

پولیس نے لطیف کھوسہ کے گھر کے اطراف لگے کیمروں کا ریکارڈ حاصل کر لیا جس کے مطابق لطیف کھوسہ کے گھر پر چار ملزمان نے حملہ کیا۔

پولیس ذرائع کے مطابق  دو حملہ آور موٹر سائیکل پر اور دو پیدل تھے، موٹر سائیکل سوار ملزمان کی ڈی ایچ اے سے گزرنے کی تصویر موصول ہو گئی ہے۔

پولیس کا کہنا ہے کہ فائرنگ کا مقدمہ نامعلوم ملزمان کے خلاف پولیس کی مدعیت میں درج کیا گیا۔

واضح رہے کہ گزشتہ روز لاہور میں سابق گورنر پنجاب لطیف کھوسہ کے گھر پر فائرنگ کی گئی تھی جس میں ان کا ڈرائیور زخمی ہوا تھا جبکہ فائرنگ کے بعد ملزمان فرار ہونے میں کامیاب ہو گئے تھے۔

پولیس نے لطیف کھوسہ کے گھر پر فائرنگ کے واقعے کا مقدمہ درج کر رکھا ہے۔

بشکریہ جنگ