سابق چیف جسٹس محمد نور مسکان زئی کے قتل کا مقدمہ درج نہ ہو سکا

کوئٹہ میں فائرنگ سے قتل ہونے والے بلوچستان کے سابق چیف جسٹس محمد نور مسکان زئی کے قتل کا مقدمہ ابھی تک درج نہ ہو سکا۔

سی ٹی ڈی حکام کا کہنا ہے کہ سابق چیف جسٹس کے لواحقین جنازے اور تدفین میں مصروف ہیں۔

پولیس حکام نے کہا کہ سابق چیف جسٹس پر فائرنگ کے واقعہ کی مزید تفتیش جاری ہے۔

صوبائی مشیر داخلہ ضیاء لانگو نے نور محمد مسکان زئی پر حملے سے متعلق ڈی سی سے رپورٹ طلب کرتے ہوئے ملزمان کی گرفتاری کے لیے اسپیشل ٹیم تشکیل دینے کا حکم دے دیا۔

خاندانی ذرائع کا کہنا ہے کہ سابق چیف جسٹس محمد نور مسکان زئی کی نماز جنازہ دن11 بجے خاران میں ادا کی گئی، ان کی تدفین آبائی گاؤں مسکان قلات میں ہو گی۔

واضح رہے کہ سابق چیف جسٹس محمد نور مسکان زئی پر مسجد میں عشاء کے نماز کے دوران فائرنگ کی گئی تھی۔

بشکریہ جنگ