سابق پاکستانی ٹیسٹ کرکٹر یاسر حمید نے بھارتی چینل کے خلاف آواز اٹھا دی

پاکستان کے سابق ٹیسٹ کرکٹر یاسر حمید نے معاوضہ ادا نہ کرنے پر بھارتی چینل کے خلاف آواز اٹھا دی۔

یاسر حمید نے سوشل میڈیا پر لکھا کہ ورلڈکپ کے دوران بھارتی ٹی وی چینل نے مجھ سے رابطہ کیا اور چینل کے لیے کچھ پروگرام کرنے کی درخواست کی۔

یاسر حمید کے مطابق وہ معاوضے کے ساتھ 6 پروگرام کرنے پر رضامند ہوئے۔

انہوں نے سوشل میڈیا پر بتایا کہ بدترین صورتحال یہ ہے کہ بھارتی پروگرام کا پروڈیوسر میرے پیغامات کا جواب نہیں دے رہا۔

یاسر حمید کا کہنا ہے کہ معاوضہ چند دنوں میں ادا کیا جانا تھا لیکن 2 ماہ گزرنے کے بعد بھی کوئی آثار نہیں۔

بشکریہ جنگ