سابق بھارتی کرکٹر نے بہترین پاکستانی کرکٹرز کےنام بتا دیے

بھارت کے سابق ٹیسٹ کرکٹر محمد کیف نے پاکستان کے کرکٹرز کی تعریفوں کے پُل باندھ دیے۔

محمد کیف کپتان بابراعظم کے معترف تو تھے ہی اب شاہین شاہ کی بھی کھل کر تعریف کردی۔

انہوں نے پاکستان میں کرکٹ ٹیلنٹ کی بات کرتے ہوئے کہا کہ پاکستان کے پاس باصلاحیت کھلاڑی موجود ہیں، بابر اعظم اور شاہین شاہ آفریدی پاکستان کے بہترین ٹیلنٹ ہیں۔

محمد کیف نے کہا کہ بابر اعظم گزشتہ عرصے سے بہترین کھیل پیش کر رہے اور اپنی ٹاپ فارم میں ہیں۔

انہوں نے یہ بھی کہا کہ بابراعظم کو اس طرح سے پزیرائی حاصل نہیں ہوتی جتنی ان کی پرفارمنس ہے۔

محمد کیف کے مطابق بابراعظم نے پاکستان کے لیے بہترین پرفارمنسز دی ہیں۔

بشکریہ جنگ