سابق آل راؤنڈر کرس کیرنز کی حالت پہلے سے بہتر

نیوزی لینڈ کرکٹ ٹیم کے سابق آل راؤنڈر کرس کیرنز نے ہارٹ سرجری کے بعد اسپتال میں فیملی کے ساتھ بات چیت شروع کر دی، ان کی حالت پہلے سے بہتر ہے۔

نیوزی لینڈ میڈیا کا کہنا ہے کہ کرس کیرنز سڈنی کے اسپتال میں اب لائف سپورٹ کے بغیر ہیں۔

کرس کیرنز کو تشویشناک حالت میں کینبرا سے سڈنی کے اسپتال منتقل کیا گیا تھا تاہم اب خوشی کی بات یہ ہے کہ کرس کیرنز لائف سپورٹ پر نہیں ہیں ۔

وکیل کرس کیرنز ایرون لائیڈ نے بتایا کہ کرس کیرنز اب اسپتال سے اپنی فیملی کے ساتھ رابطے میں ہیں ۔

بشکریہ جنگ