زیور، کتابیں، کپڑے، سب کچھ پیزا سے ماخوذ، برطانوی خاتون کا ورلڈ ریکارڈ

برطانیہ کی ایک خاتون نے پیزا کے ڈبے، زیورات، کتابیں، کپڑے اور دیگر اشیا جمع کرکے عالمی ریکارڈ قائم کر دیا۔

خاتون کے پاس پیزا کے ڈبے، زیور اور کتابوں پر مشتمل 669 اشیا کا ایک مجموعہ ہے۔

گنیز بک آف ورلڈ ریکارڈ نے اس مجموعے کو دنیا میں پیزا سے متعلقہ اشیا کا سب سے بڑا مجموعہ قرار دیا ہے۔

کورونا وائرس سے کچھ ہی عرصہ قبل ٹیلینا نامی خاتون نے پیزا سے متعلقہ اشیا جمع کرنا شروع کیں۔

انہیں یہ معلوم ہوا تھا کہ یہ ورلڈ ریکارڈ فلاڈیلفیا کے ایک شخص کے پاس ہے، اس نے 570 اشیا جمع کر رکھی ہیں۔

اپنے علاقے کینل ورتھ کے رہائشیوں کی مدد سے انہوں نے پیزا کی اشیا جمع کیں۔

خاتون نے اپنے گھر کے گیراج کو پیزا میوزیم میں تبدیل کر دیا ہے، وہاں پیزا کے ہار سے لے کر پیزے کا فوارہ اور پیزے سے متعلقہ کتابیں موجود ہیں۔

بشکریہ جنگ