زینب عباس عالمی سطح پر پاکستان کی نمائندگی کرنے کو تیار
پاکستان کی معروف اسپورٹس پریزنٹر اور میزبان زینب عباس نامور برطانوی ٹی وی چینل اسکائی اسپورٹس پر پاکستان کی نمائندگی کریں گی۔
زینب عباس پاکستان کی پہلی خاتون اسپورٹس پریزنٹر ہیں جنہیں غیر ملکی ٹی وی چینل پر پاکستان کی نمائندگی کرنے کا موقع ملا ہے۔
زینب نے اپنے انسٹاگرام اکاؤنٹ پر اپنی ایک تصویر شئیر کی ہے جس میں برطانوی ٹی وی چینل کا لوگو بھی دیکھا جاسکتا ہے۔
انہوں نے تصویر شئیر کرتے ہوئے لکھا کہ ’میں یہ شئیر کرتے ہوئے بہت پرجوش ہوں کہ میں پاکستان بمقابلہ انگلینڈ سیریز اور اس کے بعد ہونے والے ’دی ہنڈریڈ ٹورنامنٹ‘ کے لیے اسکائی اسپورٹس پر ڈیبیو کروں گی۔‘
زینب نے یہ بھی کہا کہ وہ ایک شاندار ٹیم کے ساتھ کام کرنے کی منتظر ہیں۔
زینب عباس کی پوسٹ پر ملکی و غیر ملکی اسپورٹس شخصیات مبارکباد دے رہے ہیں اور اس نئے سفر کیلئے نیک خواہشات کا اظہار کررہے ہیں۔
Comments are closed.