زمان خان کی بولنگ کے حارث رؤف معترف
زمان خان کے آخری اوور نے لاہور قلندرز کی کشتی کو ڈوبنے سے بچالیا، جس کے بعد ٹیم کے اسٹار فاسٹ بولر حارث رؤف بھی ان کی صلاحیتوں کے معترف ہوگئے۔
لاہور قلندرز کے فاسٹ بولر حارث رؤف نے زمان خان کی بولنگ کو حیرت انگیز قرار دیا۔
اپنے ٹوئٹر پیغام میں حارث رؤف نے کہا کہ اسلام آباد یونائیٹڈ کے خلاف فاسٹ بولر زمان خان نے لاہور قلندر کی امیدوں پر پورا اترتے ہوئے غیر معمولی کارکردگی کا مظاہرہ کیا۔
حارث رؤف نے کہا کہ اس میچ کا ہیرو زمان خان ہے، جس نے واقعی بہت ہی زبردست بولنگ کی ہے جبکہ ان کے آخری اوور نے ٹیم کی جیت میں اہم کردار ادا کیا۔
فاسٹ بولر نے اپنے ساتھی کرکٹر کی تعریف کرتے ہوئے مزید لکھا کہ اسی طرح وکٹیں اڑاتے رہو مزید کامیابی تمھارا مقدر بنے گی انشااللّٰہ۔
واضح رہے کہ پاکستان سپر لیگ (پی ایس ایل) سیزن سیون کے بارہویں میچ کے آخری اوور میں لاہور قلندرز کے زمان خان نے اسلام آباد یونائیٹڈ کے آصف علی اور محمد اعظم کے ہوتے ہوئے شاندار اوور کر کے اپنی ٹیم کو 8 رنز سے فتح دلوادی۔
Comments are closed.