زلفی بخاری، فیاض الحسن چوہان کو جیل سے رہا کردیا گیا

پاکستان تحریک انصاف کے رہنماؤں زلفی بخاری اور فیاض الحسن چوہان کو شاہ پور جیل سے رہا کر دیا گیا۔

شاہ پور جیل حکام کو گزشتہ روز تحریک انصاف کے 6 رہنماؤں کو رہا کرنے کے احکامات موصول ہوئے۔

سپرنٹنڈنٹ جیل کا کہنا ہے کہ زلفی بخاری، فیاض الحسن چوہان اور دیگر 4 رہنماؤں کو رہا کیا گیا ہے۔

جیل سے رہا ہونے والے رہنماؤں میں صداقت عباسی، اعجاز خان جازی، لطافت عباسی اور چوہدری ساجد شامل ہیں۔

پولیس نے ان رہنماؤں کو ڈسٹرکٹ شاہ پور جیل سے رہا کیا۔

 یاد رہے کہ پی ٹی آئی رہنماؤں نے جیل بھرو تحریک میں گرفتاریاں دیں تھیں۔

بشکریہ جنگ