زرداری، سراج الحق آج چوہدری شجاعت کی عیادت کرینگے
سابق صدر، پاکستان پیپلز پارٹی (پی پی پی) کے شریک چیئرمین آصف علی زرداری اور جماعتِ اسلامی پاکستان کے امیر سراج الحق آج مسلم لیگ ق کے سربراہ چوہدری شجاعت کی عیادت کریں گے۔
ذرائع نے بتایا ہے کہ لاہور میں چوہدری شجاعت کی عیادت کے موقع پر آصف زرداری ق لیگ کے رہنما اور پنجاب اسمبلی میں اسپیکر چوہدری پرویز الٰہی سے بھی ملاقات کریں گے۔
ذرائع نے بتایا ہے کہ سابق صدر آصف علی زرداری کی آج جماعتِ اسلامی کے مرکز منصورہ آمد بھی متوقع ہے جہاں وہ امیرِ جماعتِ اسلامی سراج الحق سے ملاقات کریں گے۔
ذرائع نے مزید بتایا کہ آصف علی زرداری این اے 133 سے متعلق پارٹی رہنماؤں سے ملاقات بھی کریں گے۔
ذرائع کا یہ بھی کہنا ہے کہ امیرِ جماعت اسلامی پاکستان سراج الحق بھی آج چوہدری شجاعت کی عیادت کریں گے۔
بشکریہ جنگ
Comments are closed.