ریاست لوزیانا کو بڑے سمندری طوفان کا خطرہ

امریکی ریاست لوزیانا کو طوفان کیٹرینا کے 16 سال مکمل ہونے کے دن ایک اور بڑے طوفان آئیڈا کا سامنا ہے۔

ذرائع کے مطابق طوفان کے پیش نظر ساحلی شہروں سے انخلا کا عمل جاری، نیو اورلینز ایئرپورٹ پر آج کی تمام پروازیں منسوخ کردی گئی ہیں۔

نیشنل ہریکین سینٹر کے مطابق طوفان آئیڈا کی شدت بڑھ کر کیٹگری چار ہوگئی ہے، طوفان آج لوزیانا کے شہر نیوارلینز سے ٹکرائے گا۔

حکام نے شہریوں کو فوری انخلا کی وارننگ دے رکھی ہے،جس کے تحت نیوارلینز سمیت دیگرشہروں سے انخلا کا عمل جاری ہے۔

لوزیانا کے گورنر نے شہریوں کوخبردار کیا ہے کہ طوفان آئیڈا 1850ء کے بعد سے اب تک کا طاقتور طوفان ہوسکتا ہے۔

بشکریہ جنگ