رکشہ میں لڑکی سے دست درازی، 2 ملزمان سے تفتیش جاری، پولیس

لاہور ميں یومِ آزادی پر آٹو رکشہ میں سوار خاتون سے گھناؤنی حرکت کرنے کے الزام میں زیرِحراست افراد سے تفتیش جاری ہے۔

پولیس نے گزشتہ روز دو ملزمان کو حراست میں لینے کا دعویٰ کیا تھا۔

ذرائع کا کہنا ہے کہ متاثرہ لڑکی نے اب تک زیرِ حراست ملزمان کی شناخت نہیں کی ہے۔

تھانا لاری اڈا پولیس نے مینارِپاکستان پرخاتون سے دست درازی اور بے لباس کرنے کے الزام میں چارسو سے زائد افراد کے خلاف مقدمہ درج کر رکھا ہے۔

تفتیشی ٹیم کی جانب سے لڑکی کو ملزمان کی شناخت کرنے کی درخواست کی گئی۔

واقعہ 14 اگست کو سرکلر روڈ پر پیش آیا تھا، ویڈیو منظرِ عام پر آنے کے بعد 21 اگست کو مقدمہ درج کیا گیا تھا۔

مقدمہ ایس ایچ او تھانا لاری اڈا کی مدعیت میں 12 افراد کے خلاف درج کیا تھا۔

بشکریہ جنگ