رچی بینو سے منسوب سیریز کے آغاز کا شدت سے منتظر ہوں، پیٹ کمنز

آسٹریلیا ٹیسٹ ٹیم کے کپتان پیٹ کمنز کا کہنا ہے کہ رچی بینو پہلی مرتبہ 60 سال قبل پاکستان آئے تھے اور اب وہ ان سے منسوب پاکستان کے خلاف سیریز کے آغاز کے شدت سے منتظر ہیں۔

پیٹ کمنز نے کہا کہ دونوں ٹیموں کے مابین ٹیسٹ کرکٹ کی تاریخ بہت پرانی ہے۔

دنیا کی دو بہترین ٹیموں کے مابین پہلی بینو قادر ٹرافی کاآغاز 4 مارچ بروز جمعہ سے ہوگا، پاکستان اور آسٹریلیا کے مابین تین ٹیسٹ میچز پر مشتمل سیریز کا پہلا ٹیسٹ پنڈی کرکٹ اسٹیڈیم راولپنڈی میں کھیلا جائے گا، آسٹریلیا کا 24 سال بعد یہ پاکستان کا پہلا دورہ ہے۔

انہوں نے مزید کہا کہ آسٹریلیا کی ایک پوری نسل اس دورے کی منتظر رہی مگر وہ خود کو خوش قسمت سمجھتے ہیں کہ انہیں 24 سال بعد تاریخی دورے پر پاکستان آنے والی ٹیم کی قیادت کی ذمہ داری ملی ہے۔

بشکریہ جنگ