روہڑی میں رشتے کے تنازع پر جھگڑے پر گھروں کو آگ لگادی گئی، تحقیقات شروع

روہڑی میں رشتے کے تنازع پر جھگڑے پر گھروں کو آگ لگانے کے معاملے پر پولیس نے تحقیقات شروع کردی۔

 پولیس کا کہنا ہے کہ چوہان برادری کے افراد نے پہنور برادری کے گھروں میں آگ لگائی، آگ سے لوگ محفوظ رہے، ملوث ملزمان کی گرفتاری کے لیے چھاپے مارے جارہے ہیں۔

ڈی ایس پی کا کہنا ہے کہ چوہان برادری کی لڑکی نے پسند کی شادی کے لیے گھر چھوڑا، تاہم ابھی تک نکاح نامہ پیش نہیں کیا گیا۔

پولیس کا کہنا ہے کہ چوہان برادری کی جانب سے لڑکی کے اغوا کا مقدمہ درج کروایا گیا ہے۔

بشکریہ جنگ