روپے کی قدر میں بڑی کمی پر اسٹیٹ بینک کا بیان آگیا

ڈالر کے مقابلے میں روپے کی بےقدری پر اسٹیٹ بینک آف پاکستان (ایس بی پی) کا بیان سامنے آگیا۔ 

اسٹیٹ بینک اعلامیے کے مطابق روپے میں قدر کی صورتحال مارکیٹ کی طے کردہ ہے، کرنسی اتار چڑھاؤ کا تعلق جاری کھاتوں کے خسارے سے ہے۔

مرکزی بینک کا کہنا تھا کہ کرنسی اتار چڑھاؤ کا سبب مختلف خبریں اور غیریقینی کی صورتحال بھی ہے۔

ایس بی پی کے مطابق امریکی ڈالر کی قدر گزشتہ 6 ماہ میں 12 فیصد بڑھی ہے، دسمبر 2021 سے اب تک روپیہ 18 فیصد گرا ہے۔

مرکزی بینک کا کہنا تھا کہ مہنگائی ایڈجسٹ کرنے کے بعد کرنسی کی قدر صرف 3 فیصد گری ہے، پاکستانی کرنسی کی طاقت کے اندازے کا یہ بہتر طریقہ ہے۔

بشکریہ جنگ