روس کے امیر ترین سیاستدان کی لاش بھارت کے ہوٹل سے برآمد

روس کے امیر ترین سیاستدان اور یوکرین جنگ کے مبینہ ناقد پاویل اینتونوف بھارت کے ہوٹل میں مردہ پائے گئے ہیں، ان کی پُراسرار موت کی تحقیقات جاری ہیں۔

غیر ملکی خبر رساں ادارے کے مطابق بھارتی ریاست اڑیسہ میں 65 سالہ پاویل اینتونوف کی خون میں لت پت لاش ہوٹل کے باہر سے برآمد ہوئی جہاں وہ اپنے 3 روسی ساتھیوں کے ہمراہ مقیم تھے۔

پولیس کا کہنا ہے کہ پاویل اینتونوف حادثاتی طور پر ہوٹل کی چھت سے گر گئے تھے، بظاہر واقعہ خودکشی کا لگتا ہے کیوں کہ پاویل اپنے دوست کی موت پر بہت افسردہ تھے۔

ہولیس نے کہا کہ واقعے کی تحقیقات کے لیے سی سی ٹی وی کا جائزہ اور ہوٹل کے عملے سے پوچھ گچھ کی جا رہی ہے۔

واضح رہے کہ اینتونوف اور ان کے دوست دسمبر کے وسط میں بھارتی ریاست اڑیسہ پہنچے تھے۔

بشکریہ جنگ