روس نے کریملن پر ڈرون حملہ صدر پیوٹن کو مارنے کی کوشش قرار دے دیا

روس نے یوکرین کی جانب سے کریملن پر ڈرون حملے کا دعویٰ کرتے ہوئے کہا ہے کہ ڈرون حملہ صدر پیوٹن کو مارنے کی کوشش تھی۔

کریملن کے اوپر اٹھتے دھویں کی وڈیو سوشل میڈیا پر گردش کرنے لگی۔

کریملن سے جاری بیان میں کہا گیا ہے کہ گذشتہ رات کریملن کی طرف آنے والے یوکرین کے دو ڈرون مار گرائے۔ یوکرین کا ڈرون حملہ صدر پیوٹن کو مارنے کی کوشش ہے۔

ترجمان کریملن دیمتری پیسکوف کا کہنا ہے کہ کریملن پر ڈرون حملے کے باوجود 9 مئی کی وکٹری پریڈ کی جائے گی۔

ماسکو میں وکٹری ڈے پریڈ طے شدہ پروگرام کے تحت 9 مئی کو ہوگی، سوویت یونین کی نازیوں سے فتح کی یاد میں ہر سال وکٹری ڈے پریڈ کا انعقاد کیا جاتا ہے۔

بشکریہ جنگ