روسی صدر پیوٹن کی قریبی ساتھی عمارت کی 16 ویں منزل سے گر کر ہلاک

روس کے صدر ویلادیمیر پیوٹن کی قریبی سمجھی جانے والی ساتھی عمارت کی 16 ویں منزل سے گر کر ہلاک ہوگئی۔

غیرملکی میڈیا کے مطابق مرینا ینکینا (Marina Yankina) روسی وزارت دفاع کے مالی معاونت کے شعبے سے وابستہ تھیں۔

رپورٹس کے مطابق 58 سالہ مرینا ینکینا کی لاش سینٹ پیٹرزبرگ کے علاقے میں رہائشی کمپلیکس کے فرش پر پڑی تھی جس کو ایک راہگیر نے شناخت کیا۔

غیرملکی میڈیا کے مطابق مرینا ینکینا کو یوکرین جنگ کے لیے فنڈنگ کی کوششوں کو بڑھانے والی شخصیات سمجھا جاتا تھا۔

رپورٹس کے مطابق عمارت سے ملنے والی چیزوں سے اندازہ لگایا گیا ہے کہ اپارٹمنٹ مرینا ینکینا کے شوہر کی ملکیت ہے اور وہ وہاں رہائش پذیر نہیں تھیں۔

روسی صدر ولادیمیر پیوٹن گزشتہ بدھ کو ماسکو میں اپنی سرکاری رہائش گاہ پر سیڑھیوں سے اترتے ہوئے گر گئے جس کی وجہ سے انہیں ’غیر ارادی طور پر رفع حاجت‘ پیش آگئی۔

غیر ملکی میڈیا کے مطابق روس اور یوکرین کے درمیان جنگ کے دوران چند دن کے وقفے سے یہ دوسری اعلیٰ شخصیت کی موت ہے۔

اس سے قبل میجر جنرل ولادیمیر ماکاروف نے خودکشی کرلی تھی جنہیں حال ہی میں روسی صدر نے برطرف کردیا تھا۔

بشکریہ جنگ