روز مرہ کی چیزوں کے استعمال سے پینٹر کا حیرت انگیز شاہکار

فنکارانہ صلاحیتوں کے اظہار کےلیے آلات کی کمی نہیں، ایک فنکار اپنے پاس موجود وسائل کو بروئے کار لاتے ہوئے ایسے شاہکار تخلیق کردیتا ہے جسے دیکھنے والا دنگ رہ جاتا ہے۔ 

فوٹوز اینڈ ویڈیوز شیئرنگ ایپ انسٹاگرام پر ایلکس نامی خاتون کی ایک ویڈیو وائرل ہورہی ہے جس میں وہ اپنے اختراعی فن کا بھرپور مظاہرہ کر رہی ہیں۔ 

یہی نہیں بلکہ وہ اپنی پینٹنگ کو برش کی مدد سے نہیں بلکہ گھر میں استعمال ہونے والی اشیا جیسے پونچھا، بیلن، چھلنی، چپل، وغیرہ کے ذریعے پینٹنگ ترتیب دے رہی ہیں۔ 

ویڈیو میں دیکھا جاسکتا ہے کہ جیسے جیسے وہ رنگوں کو کینوس پر بکھیرتی ہیں ویسے ویسے شیر کے چہرے کی غیر معمولی تصویر سامنے آجاتی ہے۔ 

پوچھے ے نقوش سے لے کر باریک بینی سے تیار کیے گئے شاہکار تک کا غیر متوقع سفر دیکھنے والوں کو حیران کر دیتا ہے۔

بشکریہ جنگ