رضوانہ کے معمول کے ٹیسٹ اور ادویات کی فراہمی کا سلسلہ جاری

سول جج کے گھر تشدد کا شکار ملازمہ رضوانہ کا جنرل اسپتال میں علاج جاری ہے۔

رضوانہ کی میڈیکل ٹیم کے سربراہ ڈاکٹر جودت سلیم نے جیو نیوز کو ٹیلی فونک گفتگو میں بتایا کہ گزشتہ روز رضوانہ کی تمام پٹیاں دوبارہ کر دی گئی تھیں۔

اُنہوں نے بتایا کہ رضوانہ اپنے کمرے میں معمول کے مطابق کھانا اور دوائی لے رہی ہے۔

ڈاکٹر جودت سلیم نے بتایا کہ پلاسٹک سرجری کی ٹیم رضوانہ کے سر کے زخموں کا جائزہ لے رہی ہے، پیر کے روز دوبارہ اس کے سر کے زخموں کا جائزہ لیں گے۔

بشکریہ جنگ