راولپنڈی: سڑک کنارے مشکوک بیگ، بم ڈسپوزل اسکواڈ طلب

راولپنڈی کے علاقے گورکھپور کے قریب سڑک کنارے مشکوک بیگ کی اطلاع پر پولیس پہنچ گئی۔

اس حوالے سے پولیس کا کہنا ہے کہ مقامی افراد کی اطلاع پر پولیس نے بم ڈسپوزل اسکواڈ کو طلب کیا۔

پولیس نے بتایا ہے کہ اڈیالہ روڈ پر گورکھپور کے قریب سے ملا مشکوک بیگ بم ڈسپوزل اسکواڈ اپنے ساتھ لے گیا۔

راولپنڈی پولیس کا کہنا ہے کہ بیگ میں مشکوک الیکٹرانک ڈیوائس تھی جو بم ڈسپوزل اسکواڈ نے تحویل میں لے لی۔

پولیس نے کہا کہ بم ڈسپوزل اسکواڈ کے مطابق مشکوک ڈیوائس دھماکا خیز ہے، بم ڈسپوزل اسکواڈ کی ٹیم نے مشکوک ڈیوائس کا معائنہ کر کے اسے ناکارہ بنا دیا ہے۔

بم ڈسپوزل اسکواڈ کا کہنا ہے کہ مشکوک ڈیوائس میں ہائی پوٹینشل دھماکا خیز مواد بھرا ہوا تھا۔ 

ذرائع نے بتایا ہے کہ بم ڈسپوزل اسکواڈ کی ٹیم کی جانب سے دھماکا خیز ڈیوائس کا معائنہ کیا جا رہا ہے۔

دوسری جانب راولپنڈی پولیس کے سینئر افسران موقع پر پہنچ گئے ہیں۔

بشکریہ جنگ