راشد خان لاہوری فش کھانے کے شوقین

پاکستان سُپر لیگ کی ٹیم لاہور قلندرز میں شامل معروف لیگ اسپنر راشد خان کا کہنا ہے کہ لاہور کے کھانوں کا بہت سن رکھا ہے لاہور کے کھانے بہت مختلف ہوتے ہیں کراچی میں بھی کھانےکھائے ہیں لیکن لاہور کے کھانے مختلف ہوتے ہیں۔

لیگ اسپنر راشد خان نے لاہور قلندرز کے شو میں گفتگو کرتے ہوئے کہا کہ لاہور میں قیام کے دوران کھانوں کا ضرور موقع ملے گا، مجھے لاہور کی فش بہت پسند ہے جو مجھے ضرور کھانی ہے، انڈر 19 کے ساتھ جب میں لاہور آیا تھا تو تب فش کھائی بہت مزہ آیا تب ہم نیشنل کرکٹ اکیڈمی میں ٹھہرے تھے اب تک مچھلی اور دیگر کھانے نہیں بھولے۔

راشد خان نے کہا کہ لاہور کے شائقین کو ایک وقفے کے بعد اپنی ٹیم لاہور قلندر کو ایکشن میں دیکھنے کا موقع مل رہا ہے ہم اپنی بہترین پرفارمنس دیں گے جس سے شائقین کرکٹ لطف اندوز ہوں گے۔ 

انہوں نے کہا کہ میں جہاں بھی ہوں انجوائے کرتا ہوں لاہور قلندرز کے ساتھ مزہ آرہا ہے پرفارمنس دینے کے ساتھ انجوائے کرنے سے مزید متحرک ہوتا ہوں سیلی بریشن اسٹائل تفریح کے لیے ہوتا ہے اب اسنیک اسٹائل وائرل ہو چکا لیکن اس کا اندازہ نہیں تھا انہوں نے کہا کہ شاٹس کا اسٹائل سوچ کر نہیں اپناتا بس گراونڈ میں ہوجاتا ہے۔

راشد خان نے شاہین شاہ آفریدی کے لاہور قلندرز کے کپتان بننے کے بارے میں کہا کہ کپتان شاہین آفریدی نے بہت متاثر کیا سوچا نہیں تھا کہ وہ کپتان بھی اچھے ثابت ہوں گے خود کو کنٹرول میں رکھتے ہیں سوچ سمجھ کر پُرسکون رہ کر فیصلے کرتے ہیں ہم سب انہیں سپورٹ کرتے ہیں۔

بشکریہ جنگ