راجن پور: ٹرک اور رکشہ میں تصادم، 6 افراد جاں بحق

پنجاب کے ضلع راجن پور میں ٹرک اور رکشہ میں تصادم کے نتیجے میں 6 افراد جاں بحق ہو گئے۔

راجن پورمیں انڈس ہائی وےکے قریب ٹرک اور رکشہ کے درمیان تصادم کا واقعہ پیش آیا جس میں رکشے میں سوار 6 افراد موقع پر ہی جاں بحق ہو گئے۔

ریسکیو ذرائع کا کہنا ہے کہ جاں بحق ہونے والے افراد سبزی فروش تھے جو راجن پور کی سبزی منڈی جا رہے تھے۔

پنجاب کے ضلع بہاول پور میں افسوس ناک حادثہ پیش آیا ہے جس کے نتیجے میں 4 اسکول کے طالب علم جاں بحق ہو گئے۔

واقعے کی اطلاع ملنے پر ریسکیو ٹیمیں اور پولیس موقع پر پہنچ گئی۔

لاشوں کو تحصیل ہیڈ کوارٹر اسپتال روجھان منتقل کر دیا گیا ہے جبکہ ٹرک ڈرائیور موقع سے فرار ہو گیا، جس کی تلاش جاری ہے۔

بشکریہ جنگ