دھمکی آمیز خط شاہ محمود قریشی نے ایک سفارتکار سے لکھوایا، علی موسیٰ گیلانی

پیپلز پارٹی کے رہنما علی موسیٰ گیلانی نے دعویٰ کیا ہے کہ وزیر اعظم عمران خان کو دھمکی آمیز خط وزیر خارجہ شاہ محمود قریشی نے دفتر خارجہ کے ایک سفارتکار سے لکھوایا ہے۔

ایک بیان میں علی موسیٰ گیلانی نے کہا کہ سفارتکار سے خود ساختہ خط ملنے کے بعد شاہ محمود قریشی نے اسے عمران خان کو پہنچایا، خط کے معاملے کے مکمل حقائق سے ذاتی طور پر واقف ہوں۔

ان کا یہ بھی کہنا تھا کہ شاہ محمود قریشی اور دفتر خارجہ اس جعلی سازی کے اصل کردار ہیں، وزیر خارجہ اور دفتر خارجہ لیٹر گیٹ اسکینڈل میں بری طرح پھنس چکے ہیں۔

انہوں نے کہا کہ عمران خان، شاہ محمود اور فارن آفس کے ملوث کرداروں کو اس اسکینڈل سے نہیں نکلنے دیں گے۔

بشکریہ جنگ