دوسرا ٹیسٹ؛ بھارت نے نیوزی لینڈ کو شکست دے دی

بھارت نے نیوزی لینڈ کو دوسرے ٹیسٹ میچ میں 372 رنز سےشکست دے کر دو میچوں کی سیریز جیت لی ہے۔

ممبئی میں کھیلے گئے دوسرے ٹیسٹ میں بھارت کی جانب سے دیے گئے 540 رنز کے ہدف کے تعاقب میں مہمان ٹیم 167 رنز ہی بناسکی۔

نیوزی لینڈ اور بھارت کے درمیان جاری دوسرے ٹیسٹ میچ کی پہلی اننگز میں نیوزی لینڈ کے بالر اعجاز پٹیل نے بھارت کی پوری ٹیم آؤٹ کردی

نیوزی لینڈ کی طرف سے ڈیرل مچل 60 اور ہینری نکلز 44 رنز بناکر نمایاں رہے، بھارت کے جایانت یادیو اور ایشون نے چار چار وکٹیں حاصل کیں۔

بھارت پہلی اننگز میں 325 رنز پر آؤٹ ہوگئی تھی، میزبان کی پوری ٹیم اعجاز پٹیل نے آؤٹ کی تھی۔

نیوزی لینڈ اپنی پہلی اننگز میں صرف 62 رنز ہی بناسکی تھی۔

میچ جیتنے کے لیے جہاں بھارتی ٹیم کو جیت کے لیے صرف ایک وکٹ درکار تھی وہاں خراب روشنی کے باعث کھیل کو روکنا پڑا۔

خیال رہے کہ بھارت اور نیوزی لینڈ کے درمیان کانپور میں ہونے والا پہلا ٹیسٹ سنسنی خیز لمحات میں داخل ہونے کے بعد ڈرا ہوگیا تھا۔

بشکریہ جنگ