دوسرا ٹیسٹ، پاکستان کیخلاف سری لنکا کا بیٹنگ کا فیصلہ

سری لنکا نے 2 ٹیسٹ میچز کی سیریز کے دوسرے میچ میں پاکستان خلاف کے ٹاس جیت کر پہلے بیٹنگ کا فیصلہ کیا ہے۔

قومی کرکٹ ٹیم کے کپتان بابر اعظم کا کہنا ہے کہ ٹیم میں 2 تبدیلیاں کی گئی ہیں۔

انہوں نے کہا کہ اظہر علی اور شاہین شاہ آفریدی کی جگہ فواد عالم اور نعمان علی کو ٹیم میں شامل کیا گیا ہے۔

قومی ٹیم کے کپتان بابراعظم نے کہا ہے کہ پہلا ٹیسٹ جیت کر ہمارے حوصلے بلند ہیں، پریشر والا میچ جیت کر ٹیم کے اعتماد میں اضافہ ہوا ہے۔

پاکستان نے پہلے ٹیسٹ میچ میں سری لنکا کو شکست دے دی۔

دوسرے ٹیسٹ کی پچ بھی اسپنرز کے لیے ساز گار دکھائی دیتی ہے اس لیے پاکستان نے اضافی اسپنر نعمان علی کو ٹیم میں شامل کیا ہے۔

واضح رہے کہ سری لنکا کے شہر گال ہی میں کھیلے گئے پہلے ٹیسٹ میچ میں پاکستان نے میزبان ٹیم کو 4 وکٹوں سے شکست دی تھی۔

بشکریہ جنگ