دعا کیس، نکاح خواں و گواہ کو ضمانت نہ مل سکی

دعا زہرا مبینہ اغواء کیس میں نکاح خواں غلام مصطفیٰ اور گواہ اصغر کی درخواست ضمانت مسترد ہوگئی۔

ایڈیشنل ڈسٹرکٹ اینڈ سیشن جج شرقی کی عدالت میں دعا زہرا مبینہ اغواء کیس کی سماعت ہوئی۔

عدالت نے دونوں ملزمان (نکاح خواں اور گواہ)کی درخواست ضمانت مسترد کرتے ہوئے ریمارکس دیے کہ جب تک کیس کا ضمنی چالان نہیں آجاتا ملزمان کو ضمانت نہیں دی جاسکتی۔

لاہور ہائی کورٹ نے کراچی سے لاہور جا کر پسند کی شادی کرنے والی لڑکی دعا زہرا کے شوہر ظہیر احمد کی حفاظتی ضمانت منظور کرلی۔

درخواست گزار نے کہا کہ پولیس نےکیس کا سی کلاس چالان پیش کیا ہے، پولیس نے ہمیں مقدمے سے ڈسچارج کرنے کی استدعا کر رکھی ہے۔

واضح رہے کہ نکاح خواں غلام مصطفیٰ اور گواہ اصغر عدالتی ریمانڈ پر جیل میں ہیں۔

بشکریہ جنگ