دعا بھٹو کی بیٹے کی حوالگی کیلئے بھی درخواست دائر
ملیر کراچی کی فیملی کورٹ میں پاکستان تحریکِ انصاف کی رکنِ سندھ اسمبلی دعا بھٹو نے اپنے بیٹے کی حوالگی اور اس کا سربراہ مقرر کرنے کی درخواست بھی دائر کر دی ہے۔
دعا بھٹو کی جانب سے درخواست میں عدالت سے استدعا کی گئی ہے کہ بیٹے کامل حلیم کی کسٹڈی مستقل طور پر میرے حوالے کی جائے۔
انہوں نے اپنی درخواست میں استدعا کی ہے کہ مجھے حلیم عادل شیخ سے رہائش کی مد میں 2 لاکھ روپے ماہانہ دلوائے جائیں، مجھے کمسن بیٹے کامل حلیم کی سربراہ مقرر کیا جائے۔
دعا بھٹو کی درخواست میں استدعا کی گئی ہے کہ میرے بیٹے کو پاکستان اور ملک سے باہر کہیں بھی لے جانے کی اجازت مجھے دی جائے۔
پی ٹی آئی کی رکنِ سندھ اسمبلی نے عدالت سے یہ استدعا بھی کی ہے کہ حلیم عادل شیخ سے میرا اصل شناختی کارڈ واپس دلوایا جائے، بچے کا پیدائشی سرٹیفکیٹ اور ب فارم بھی واپس دلوایا جائے۔
واضح رہے کہ پاکستان تحریکِ انصاف (پی ٹی آئی) کی رکنِ سندھ اسمبلی دعا بھٹو نے گزشتہ روز اپنے شوہر حلیم عادل شیخ سے خلع کے لیے عدالت سے رجوع کیا تھا۔
دعا بھٹو کی جانب سے ملیر کی فیملی عدالت میں خلع کی درخواست دائر کی گئی ہے۔
Comments are closed.