دبئی سے آپریٹ ہونے والی ایئرلائنز نے کراچی ایئرپورٹ پر رپیڈ پی سی آر ٹیسٹ کے لئے جگہ مانگ لی

دبئی سے آپریٹ ہونے والی ایئر لائنز نے کراچی ایئرپورٹ پر رپیڈ پی سی آر ٹیسٹ کے لیے جگہ مانگ لی۔

منیجر جناح انٹرنیشنل ایئرپورٹ عمران خان کا کہنا ہے کہ دبئی سے آپریٹ ہونے والی ایئر لائنز نے ایئرپورٹ پر رپیڈ پی سی آر ٹیسٹ کے لیے جگہ مانگی تھی۔

منیجر جناح انٹرنیشنل ایئرپورٹ کا کہنا ہے کہ ہم نے کراچی ایئرپورٹ پر جگہ فراہم کردی۔

عمران خان  نے کہا کہ دبئی سے آپریٹ ہونے والی ایئر لائنز لیبارٹریز سے رابطہ کر کے رپیڈ پی سی آر کی مشینری لگائیں گی۔

ذرائع سول ایوی ایشن کا کہنا ہے کہ لاہور، اسلام آباد ایئر پورٹ پر بھی ایئر لائنز خود لیبارٹریز قائم کریں گی۔

بشکریہ جنگ