دانش کنیریا نے کس بھارتی بیٹر کی کُھل کر تعریف کی؟

اسپاٹ فکسنگ کیس میں سزا یافتہ سابق لیگ اسپنر دانش کنیریا نے بھارتی کرکٹ ٹیم کے بیٹر سریاکمار یادیو کی کُھل کر تعریف کر دی۔

یوٹیوب چینل پر جاری ایک ویڈیو میں دانش کنیریا نے سوریا کمار کی تعریف کرتے ہوئے کہا کہ وہ آنے والے دنوں میں عظیم بلے بازوں میں سے ایک بن جائیں گے۔

انہوں نے کہا کہ آسٹریلیا کے خلاف تیسرے ٹی ٹوئنٹی میچ میں سریاکمار یادیو نے لاجواب بیٹنگ کی، انہوں نے سب کو پیچھے چھوڑ دیا۔

بھارت نے تیسرے ٹی 20 میچ میں آسٹریلیا کو 6 وکٹوں سے شکست دے کر سیریز 2-1 سے اپنے نام کرلی ہے۔

دانش کنیریا کا کہنا ہے کہ آنے والے وقت میں لوگ بابر اعظم اور ویرات کوہلی کو بھی بھول جائیں گے، صرف سریاکمار یادیو کو یاد رکھا جائے گا۔

واضح رہے کہ آسٹریلیا کے خلاف تیسرے ٹی ٹوئنٹی میچ میں سریاکمار یادیو نے 36 گیندوں پر 69 رنز کی اننگز کھیلی تھی جس میں 5 چھکے اور 5 چوکے شامل تھے۔

بشکریہ جنگ