دال، چاول، سبزی دینے پر PIA کے مسافر ناراض

قومی ایئر لائن پی آئی اے کی اسلام آباد سے جدہ جانے والی پرواز پر مسافروں کو کھانے کے لیے دال، چاول اور سبزی دی گئی۔

ذرائع کے مطابق جدہ جانے والی پرواز پر کھانے میں دال، چاول اور سبزی دیے جانے اور گوشت نہ ملنے پر مسافر ناراض ہو گئے۔

گوشت اور چکن کے بغیر دال اور سبزی پر مشتمل کھانا دیے جانے پر مسافروں نے احتجاج کرتے ہوئے کمنٹ کارڈز میں بھی شکایت درج کروائی۔

یہ ایس آر او مسافروں کے لیے خوف کی علامت بن گیا ہے۔ اس ایس ار او کے تحت بیرون ملک سے آنے والے مسافروں پر ذاتی اور عام استعمال کی اشیاء اور تحائف لانے تک پر بھی پابندی عائد کردی گئی ہے۔

دوسری جانب پی آئی اے کے ترجمان کا اس حوالے سے کہنا ہے کہ عدم ادائیگی کے باعث ٹھیکدار نے مرغی سپلائی نہیں کی تھی۔

پی آئی اے کے ترجمان کا یہ بھی کہنا ہے کہ اب تمام پروازوں پر کھانا معمول اور مینیو کے مطابق دیا جا رہا ہے۔

بشکریہ جنگ