خیبر: پولیس چیک پوسٹ پر دہشتگردوں کا حملہ

خیبر پختون خوا کےضلع خیبر میں پولیس چیک پوسٹ پر دہشت گردوں نے حملہ کیا ہے۔

خیبر کے تھانہ باڑہ کیمت خان پولیس چیک پوسٹ پر دہشت گردوں کی جانب سے حملہ کیا گیا، جس کے نتیجے میں 3 اہلکار زخمی ہو گئے۔

چیک پوسٹ پر حملے کے بعد دہشت گرد باآسانی فرار ہو گئے۔

پولیس کا کہنا ہے کہ دہشتگردوں نے فائرنگ اور بارودی مواد سےحملہ کیا جس سے پولیس چیک پوسٹ پر آگ لگ گئی۔

تینوں زخمی اہلکاروں کو حیات آباد میڈیکل کمپلیکس پشاور منتقل کیا گیا ہے جہاں انہیں طبی امداد دی جا رہی ہے۔

بشکریہ جنگ