خیبر پختونخوا: 3 ماہ میں دہشتگردی کے 193 واقعات، 44 افراد شہید، 60 سے زائد زخمی

خیبرپختونخوا میں گزشتہ 3 ماہ کے دوران دہشت گردی کے 193 واقعات رونما ہوئے، جن میں دو خودکش حملے بھی شامل ہیں۔ دہشت گرد حملوں میں 44 افراد شہید جبکہ 60 سے زیادہ زخمی ہوئے۔

محکمہ داخلہ کے ذرائع کے مطابق خیبر پختونخوا میں گزشتہ 3 ماہ کے دوران دو خودکش حملوں سمیت دہشت گردی کے 193 واقعات ہوئے۔

سوات سمیت صوبے کے مختلف اضلاع میں 11 آئی ای ڈیز دھماکے اور 15 ہینڈ گرنیڈ حملے ہوئے۔

ذرائع کے مطابق تین واقعات میں دہشت گردوں نے مارٹر گولوں کا استعمال بھی کیا۔

صوبے میں پولیس اور شہریوں پر فائرنگ کے 30 جبکہ ٹارگٹ کلنگ کے 7 واقعات رپورٹ ہوئے۔

ان دہشت گرد حملوں میں 44 افراد شہید جبکہ 60 سے زیادہ زخمی ہوئے۔ 

بشکریہ جنگ