خورشید شاہ کے ریلیز آرڈر جاری

سکھر کی احتساب عدالت نے پاکستان پیپلز پارٹی (پی پی پی) کے سینئر رہنما خورشید شاہ کے ریلیز آرڈر جاری کر دیئے۔

سپریم کورٹ آف پاکستان نے آمدن سے زائد اثاثہ جات کیس میں پاکستان پیپلز پارٹی کے رہنما خورشید شاہ کی ضمانت کا مختصر فیصلہ جاری کر دیا۔

سپریم کورٹ کے آرڈر کی تصدیق کے بعد سکھر کی احتساب عدالت نے آمدن سے زائد اثاثہ جات کے کیس میں خورشید شاہ کے ریلیز آرڈر جاری کیئے ہیں۔

پاکستان پیپلز پارٹی کے سینئر رہنما خورشید شاہ کے صاحبزادے زیرک شاہ کا کہنا ہے کہ خورشید شاہ کی رہائی کا حکم روک دیا گیا ہے۔

اس موقع پر خورشید شاہ کو سینٹرل جیل سے کاغذاتِ ضمانت پر دستخط کرنے کے لیے احتساب عدالت پہنچایا گیا۔

بشکریہ جنگ