خودکشی دنیا کو دکھانے کی کوشش، پولیس نے وقت پر پہنچ کر جان بچالی

بھارت کی ریاست اتر پردیش میں نوجوان نے سوشل میڈیا پر لائیو ویڈیو بناتے ہوئے خودکشی کرنے کی کوشش کی۔

بھارتی میڈیا کے مطابق ویڈیو کو شروع ہوئے 15 منٹ ہی گزرے تھے کہ غازی آباد شہر کی پولیس 27 سالہ نوجوان کے گھر پہنچ گئی اور اسے روک لیا۔

بھارتی میڈیا کے مطابق سینئر پولیس افسر نے بتایا ہے کہ ابھے شکلا نامی شخص کو حال ہی میں 90 ہزار کا نقصان ہوا تھا جس کے باعث اس نے خودکشی کرنے کی کوشش کی۔

اتر پردیش پولیس کا کہنا ہے کہ اس حوالے سے دیر رات فیس بُک کی جانب سے ای میل کے ذریعے الرٹ موصول ہوا جس کے فوری بعد پولیس ٹیم کو ابھے شکلا کے گھر روانہ کیا گیا تھا۔

بھارتی میڈیا کے مطابق گزشتہ سال 27 سالہ نوجوان نے فیس بُک پر لائیو اسٹریمنگ کے دوران خودکشی کی تھی۔

بشکریہ جنگ