خواتین کا عالمی دن آج منایا جارہا ہے

دنیا بھر کے ساتھ آج پاکستان میں بھی خواتین کا عالمی دن منایا جارہا ہے، مختلف شہروں میں ریلیاں اور پروگرام منعقد کئے جائیں گے۔

شہر قائد میں عورت مارچ آج دوپہر 2 بجے پریس کلب سے ایجرٹن روڈ تک نکالا جائےگا، ضلعی انتظامیہ نے مارچ کو فول پروف سیکیورٹی دینے کی یقین دہانی کرائی ہے۔

خواتین کے عالمی دن کی مناسبت سے ویمن پارلیمنٹرین کے زیر اہتمام مشاعرہ منعقد کیا گیا جس میں خواتین پارلیمنٹرین نے بھی غزلیں اور اشعار پڑھے۔

خاتون اول ثمینہ علوی نے کہا ہے کہ خواتین کی معاشی خود مختاری کے لیے مختلف منصوبوں پر کام جاری ہے، خواتین حوصلے اور عظمت کے ساتھ آگے بڑھیں۔

بشکریہ جنگ