خراب کارکردگی کے باوجود بھی مداح کرکٹرز کو سپورٹ کرنے پہنچ گئے
مایوس کن پرفارمنس کے باوجود بھی فینز نے قومی کرکٹرز کی سپورٹ کا اظہار کرتے ہوئے کہا ہے کہ پورے جذبے سے ٹیم کو سپورٹ کریں گے۔
سڈنی میں پاکستان اور جنوبی افریقی ٹیم کے لیے منعقدہ استقبالیے میں دونوں ٹیموں کے کھلاڑیوں نے شرکت کی۔
سڈنی اولمپک پارک میں ہونے والی تقریب میں پاکستان اور جنوبی افریقا کے کھلاڑی گھل مل گئے۔
پاکستانی کمیونٹی کی بڑی تعداد بھی تقریب میں شریک تھی، دونوں ٹیموں کے پلیئرز نے فینز کے ساتھ تصاویر بنوائیں اور آٹو گراف بھی دیے۔
مداحوں کا کہنا ہے کہ اب بھی امید ہے کہ ٹیم اچھا پرفارم کرے گی۔
پاکستان اور جنوبی افریقا کی ٹیموں کے استقبالیہ کا اہتمام نیو ساؤتھ ویلز کی حکومت نے کیا۔
واضح رہے کہ ٹی ٹوئنٹی ورلڈ کپ میں پاکستان اور جنوبی افریقا کے درمیان میچ جمعرات کو سڈنی میں شیڈول ہے۔
بشکریہ جنگ
Comments are closed.