خدیجہ شاہ کی توہینِ عدالت کی درخواست، آئی جی پنجاب ذاتی حیثیت میں طلب

لاہور ہائی کورٹ نے پاکستان تحریکِ انصاف (پی ٹی آئی) کی رہنما خدیجہ شاہ کی پولیس افسران کے خلاف توہینِ عدالت کی درخواست پر آئی جی پنجاب کو ذاتی حیثیت میں طلب کر لیا۔ 

لاہور ہائی کورٹ میں جسٹس علی باقر نجفی نے خدیجہ شاہ کی توہینِ عدالت کی درخواست پر سماعت کی جس کے دوران سی سی پی او لاہور سمیت دیگر افسران عدالت کے روبرو پیش ہوئے۔

سی سی پی او نے مؤقف اختیا کیا کہ خدیجہ شاہ پر درج 2 مقدمات کی رپورٹ آئی جی پنجاب نے دی۔

پنجاب حکومت کے وکیل نے کہا کہ خدیجہ شاہ کے خلاف مزید شواہد بعد میں ملے۔

پولیس نے رپورٹ پیش کی جس میں بتایا گیا ہے کہ 2 مقدمات ہیں۔

جسٹس علی باقر نجفی کہا کہ یہ کوئی طریقہ نہیں۔ 

عدالت نے آئی جی پنجاب کو آئندہ سماعت پر طلب کر لیا اور کہا کہ پیش کردہ رپورٹ غیر تسلی بخش تھی، آئی جی پنجاب 3 نومبر کو ذاتی حیثیت میں پیش ہوں۔

خدیجہ شاہ کے وکیل نے کہا کہ اے ٹی سی نے خدیجہ شاہ کو نئے مقدمے میں آج تک جوڈیشل بھیجا تھا۔

عدالت نے وکیل سے استفسار کیا کہ آپ نے اے ٹی سی کے اس حکم نامے کو چیلنج کیا ہے؟

وکیل نے جواب دیا کہ میں نے اے ٹی سی کے اس حکم نامے کو چیلنج نہیں کیا۔

بشکریہ جنگ