خان یونس کے اسپتال پر اسرائیلی ڈرون حملہ، 13سالہ بچہ شہید
اسرائیل نے خان یونس کے اسپتال الامل پر ڈرون حملہ کیا ہے جس کے نتیجے میں 13 سال کا ایک بچہ شہید ہو گیا۔
عرب میڈیا کے مطابق 7 اکتوبر کے بعد سے غزہ پر جاری اسرائیلی حملوں میں اب تک 8 ہزار سے زائد بچے شہید ہو چکے ہیں۔
غزہ پر اسرائیلی بم باری میں ایک اور صحافی شہید ہو گیا۔
عرب میڈیا کے مطابق غزہ پر بم باری میں صحافی احمد جمال المدون شہید ہوئے ہیں۔
عرب میڈیا کا کہنا ہے کہ غزہ پر اسرائیلی حملوں میں شہید صحافیوں کی تعداد 101 ہو گئی ہے۔
غزہ پر اسرائیلی بم باری میں 50 سے زائد میڈیا دفاتر مکمل یا جزوی طور پر تباہ ہو گئے ہیں۔
غزہ میں اسرائیل بم باری سے 24 گھنٹوں میں مزید 200 سے زائد فلسطینی شہید ہو گئے ہیں جبکہ غزہ میں موجود 5 اسرائیلی یرغمالی بھی مارے گئے۔
اسرائیل نے حماس کے اہم رہنما حسن الاطرش کو مارنے کا دعویٰ کیا ہے، حسن الاطرش پر حماس کو ہتھیار فراہم کرنے کا الزام ہے۔
Comments are closed.