خانیوال ضمنی الیکشن: سابق امیدواروں نے پارٹیاں بدل لیں
پی پی 206 خانیوال میں ضمنی الیکشن کی تیاریاں جاری ہیں، انتخابی دنگل 16 دسمبر کو سجے گا، حلقے میں دلچسپ صورتِ حال نے ضمنی الیکشن کو خصوصی اہمیت دے دی۔
نشست نون لیگی ایم پی اے نشاط خان ڈاھا کے انتقال کے باعث خالی ہوئی تھی۔
اس حلقے سے 2018ء کے الیکشن کے پی ٹی آئی امید وار رانا محمد سلیم حالیہ ضمنی الیکشن میں نون لیگی امید وار ہیں۔
2018ء میں نون لیگ کے امید وار نشاط احمد ڈاھا کی بیوہ نورین نشاط ڈاھا حالیہ ضمنی الیکشن میں پی ٹی آئی کی امید وار ہیں۔
اس ضمنی انتخاب میں پی پی کے میر واثق سرجیس حیدر اور تحریکِ لبیک کے شیخ محمد اکمل بھی حصہ لے رہے ہیں۔
پی پی 206 کو ضمنی انتخاب کے لیے انتخابی بینرز اور پارٹی پر چموں سے سجا دیا گیا ہے۔
دوسری جانب تحریکِ لبیک کے قائد سعد رضوی آج حلقے میں جلسے سے خطاب کریں گے ۔
تحریک لبیک کا جلسہ خانیوال کے آر سی اے چوک پر منعقد ہو گا جس کے سلسلے میں ٹی ایل پی کارکنوں کی آمد جاری ہے۔
Comments are closed.